எழுத்துக்களின் சரணாலயம்

நான்கு பொழுது தேநீர் நிம்மதியான தூக்கம் பசி மறக்க உணவு பசியாற்ற ஒரு அன்னை - இது போதும் எனக்கு, வானெங்கும் இருள் பூமியின் மண்வாசனை வானவில்லின் வருகை வைகை ஆற்றின் வெட்கம் - இது போதும் எனக்கு, பால் வாடை வீசும் மழலை பாட சாலை செல்லும் சிறுவன் காதலில் திளைத்த மாணவன் திருமணத்தில் நிற்கும் கள்வன் - இது போதும் எனக்கு, கையில் ஒரு புத்தகம் கதவுகளின் அருகே நான் சூடான குழம்பியின் வாசம் தித்திப்படைய மாலை நேர இன்பம் - இது போதும் எனக்கு, காதலின் பிரிவு காதலியின் நினைவு தனக்கான தேடல் இதுவும் கடந்து போகும் என்ற நிலை - இது போதும் எனக்கு, பூ விற்று செல்லும் பெண்கள் நடனமெடுக்கும் பின்புலங்கள் பெண்மையை ரசிக்கும் அவள் அவளின் ஆச்சரிய களிப்புடன் நான் - இது போதும் எனக்கு, #IthuPothumEnakku | #InspiredbyKavingarVairamuthu ❤️