Based on a True Story

பெண் வேண்டாம்
பொருள் வேண்டாம்
மது வேண்டாம்
மந்திரமும் வேண்டாம்

புகையிலை வேண்டாம்
புண்படுத்தும் எதிரியும் வேண்டாம்
புண் பட்ட மனமும் வேண்டாம்
ஓர வஞ்சனை பார்க்கும் வஞ்சகனும் வேண்டாம்

பொழிவில்லா வைரமும் வேண்டாம்
மழையாய் பேச்சில் பொழிபவனும் வேண்டாம்
கல் நெஞ்சம் உடையவனும் வேண்டாம்
கலங்கரை விளக்கமாய் இருப்பவனும் வேண்டாம்

ஏற்றத்தாழ்வு பார்க்கும் அவலநிலை வேண்டாம்
"நீ கீழ்" என்று மட்டம் தட்டும் மனிதரும் வேண்டாம்
முத்துப்பல் காட்டி சிரிப்பவனும் வேண்டாம்
முற்றும் துறந்த ஞானியும் வேண்டாம்

பொய்யில் வாழும் பிறவியும் வேண்டாம்
தாகத்திற்கு குடிநீர் கொடுக்காதவனும் வேண்டாம்
முழுமை பெற்றவனும் வேண்டாம்
முதுகில் குத்தும் நண்பனும் வேண்டாம்

உலக நியதியும் வேண்டாம்
உலக சீர்திருத்தமும் வேண்டாம்
உள்ளம் கனிய பேசுபவனும் வேண்டாம்
உன்னை போற்றி புகழ்பவனும் வேண்டாம்,

இவை எதுவும் வேண்டாம் என்றால்
எது தான் வேண்டும் இவ்வுலகில்..?

எதுவும் வேண்டாம்
எதுவும் வேண்டாம்
எதுவும் வேண்டாம்
ஆனால் வேண்டும்,..?

என்ன வேண்டுமா..?

ஆம்,
வேண்டும்
சில நிலை சார்ந்தவைகள் வேண்டும்
நான் வாழும் இவ்வுலகின் பார்வைக்காக..?

பொய்யில்லா மழலையின் சிரிப்பு வேண்டும்
பணம் இல்லாவிடில் பழகும் நண்பன் வேண்டும்
ஜாதி வாசம் இல்லாத சமூகம் வேண்டும்
நம்முடன் உடன் கட்டை ஏறும் நண்பன் வேண்டும்
உணர்ச்சிகளை வெளிப்படுத்த சகோதரி வேண்டும்
நெஞ்சில் சுமக்கும் தாய்மை வேண்டும்
வலியை இன்பமாய் மாற்றும் தந்தை வேண்டும்

வேண்டும் என்ற பெட்டகம்
மிகவும் சிறியது போல் தோன்றுகிறதே..?

ஆம்,

நான் வாழ ஆசைப்பட்டது
இங்கு நிகழவில்லை
நான் ஏற்றுக்கொண்ட வாழ்வில்
இவை தான் இவை மட்டும் தான்
வேண்டும் வேண்டும் வேண்டும்,

நான் ஒரு ஆண்,
இதை தாண்டிய ஒன்று வேண்டும்
இவற்றை விட முக்கியமானதும் கூட
எட்டாத கனி போன்றது அது..?

ஆம்,

"காதல்"

காதல் என்பது ஒரு உணர்ச்சி,
இது தான் முக்கியம் என்று கூறுவது
வேடிக்கையாக இருக்கும் பலருக்கு,

நான் மேலே கூறியது அனைத்தும்
ஆண் பெண் என்ற இருவர் சார்ந்த
இரண்டு வகையறாக்களுக்கும்
பொருந்தும் குணம் கொண்டது

காதலில் வெற்றி கண்டவன்
காதலில் தோல்வி கண்டவன்
காதலை சொல்லாமல் இருப்பவன்
காதலை நெஞ்சோடு சுமப்பவன்
காதலை இழந்து தேடலை தேடுபவன்

என்று ஆண் சார்ந்த காதலுக்கு
இங்கு வலி என்பது அதிகத்தின் அதிகம்

பெண் என்பவளுக்கு வலி இல்லையா
என்று கேட்டால் இருக்கிறது
அவர்களும் வலியை சுமக்கிறார்கள்
அழுகையை ஆழ்மனதில் வைத்திருக்கிறார்கள்
நூற்றில் பத்து சதவிகித பெண்கள் மட்டுமே
நான் பார்த்து வளர்ந்த இச்சமூகத்தில்..?

ஆண்களின் காதல்
தூய்மையின் நிறமோ..?

தூய்மையின் நிறம் அளவு
ஆண்களின் காதல் தூய்மையா
என்பது எனக்கு தெரியாது
ஆனால் "சிறந்தது"..?

காதலிக்கும் பெண் அவன் போதும் என்கிறாள்
அவள் வீட்டில் உள்ளோர் அதை ஏற்கவில்லை
அவள் "Ultra High Class" என்னும் வகையறா
அவன் "Lower Middle Class" என்னும் வகையறா
ஏணி வைத்தாலும் எட்டாத உயரத்தில்
அவளும் அவள் சார்ந்த சூழ்நிலைகளும்
அவனோ தாய் தந்தையை இழந்தவன்
தாய் அன்பை அவளிடம் உணர்ந்தவன்
அவள் காதலில் தாய்மை பாசத்தை நுகர்ந்தவன்
அவள் காதல் புனிதமானது
அவன் காதல் தாய்மை கொண்டு தூய்மையானது
வாழவா விட்டார்கள் இச்சமூகத்தில்..?

இங்கு ஆண் தோற்கடிக்கப்பட்டான்
அவன் காதலும் முறிவுற்றது
அவனுக்கான ஒரு வாழ்க்கையில்
இலை மேல் படர்ந்த நீர்த்துளி போல்
நினைவுகளை நெஞ்சில் சுமந்த படி
கரடு முரடான இவ்வுலகின் தடங்களில்
தன தேடல்களுடன் வலம் வந்தான்..?

அவளிடம் ஒப்பிடும் போது
அவனுக்கு மனதின் வலி அதிகம்
இன்னல்கள் அதிகம்
அவப்பெயர்கள் அதிகம்
அவமானங்கள் அதிகம்
இவை எல்லாம் அவன் காதலினால் அல்ல,
இச்சமூகத்தின் பணம் ஜாதி என்று
பரவிக்கிடக்கும் அவல நிலையினால்..?

இதை போல்
பெண்கள் உணராத நிறைய வலிகளை
ஒரு ஆண் இங்கு சுமந்து கொண்டு வாழ்கிறான்

அனைத்து ஆண்களுக்கும்
இது பொருந்துமா என்று கேட்டால்
இல்லை என்று சொல்லலாம்
நூற்றில் எழுபது சதவிகித
ஆண்களுக்கு இது பொருந்தும்,

அதிலும் Lower Middle Class என்னும்
Section கீழ் வாழும் ஒவ்வொரு ஆண் மகனும்
இந்த அவலநிலையை தன் வாழ்நாள் முழுவதும் அனுபவித்துக்கொண்டு தான் இருக்கிறான்
இந்த நிலை இல்லாத மண்ணில்..?

இந்த உண்மை கதையை
உங்களிடம் பகிர்ந்த பின்
அவன் தேடல்களை மீண்டும் தொடர்ந்தான்..?

"Based on a True Story"
Penned By Shiva Chelliah